拍完《嫁到3》！陳貝兒嘆非洲之旅勁艱辛

藝人陳貝兒主持嘅無綫節目《嫁到這世界邊端》系列大受歡迎，佢之前拍攝第三輯時，困難重重，先喺尼日利亞拍攝時失聯，又喺埃及冇啖好食，佢嚟到最後一站摩洛哥，完成足足25日嘅拍攝，令佢好大感觸話盡晒力，希望大家會鍾意呢個節目：「撒哈拉心心雲、摘下來送畀你，希望你今天過得愉快。終於完成非洲一共三站連續25日嘅拍攝。尼日利亞 > 埃及 > 摩洛哥，非洲之旅係我哋想像以外嘅艱難。力已盡，希望節目出街時大家會鍾意。『你仰望撒哈拉的天空，而我就在世界另一邊端望着同一天空向你微笑，於是對你來說，就好像所有白雲都在向你笑。』- inspired by 小王子，Thank you Africa。多謝摩洛哥人妻同撒哈拉王子參與拍攝 ❤多謝非州、離開摩洛哥，終於返嚟亞洲……繼續拍攝。下一站 >> ？？？」