人肉健身器材　吳業坤舉起大隻仔操肌

藝人吳業坤早前為咗紅館個唱，事前落足工夫操肌喺演唱會騷肌示人。完成咗個唱後，好快佢又入咗劇組拍攝無綫新劇《大醬園》，不過拍劇時間真係好緊迫，搞到佢冇時間做Gym Keep身形，不過都難唔到佢，佢竟然喺片場就地取材，叫來大隻仔同事伍禮騫畀佢做道具健身器材，叫伍禮騫騎喺佢膊頭上面做運動，見佢孭住伍禮騫一上一落，出盡力咬實牙關不停係咁做，仲留言：「早班外景接廠再接外景再接廠，冇時間做Gym，惟有就地取材。」