兩愛犬早逝心力交瘁！陳彥行想搵獸醫做男友

藝人陳彥行（行姐）帶同愛犬糯米糍到深水埗支持好友張慧儀籌辦的慈善活動。她直言刻下十分注意身體健康：「舊年我隻狗死咗，傷心到乜都做唔到，情緒起伏大會對健康構成壓力嘛。」

原來她幾年間經歷了兩次愛犬「英年早逝」：「最早走嗰隻得7歲，去年嗰隻就11歲，醫生話係先天性嘅，可能係依家啲繁殖場造成。依家我屋企仲有3隻，真係唔敢再養，心力交瘁呀。」

由於要主持網台節目、週末又要登台，行姐坦言已沒時間考慮終身大事，且笑言：「除非搵到1個男朋友肯幫我一齊照顧狗狗，最好係獸醫，可以慳番唔少，佢哋睇一次醫生，至少要4位數呀。」