等收禮物 符曉薇過首個母親節:終於關我事

20190512
東網電視
更多新聞短片
係開心嘅~
歌手陳柏宇(Jason)太太符曉薇(Leanne)自去年底誕下愛女Abigail後,自動成為「晒B狂魔」,不時出Post大晒Abi萌照!迎來第一個母親節,Leanne笑言終於關自己事:「本來之前淨係同兩個媽咪慶祝,今年連埋我有份一齊慶祝,都想睇吓Abi會送啲咩禮物畀我,哈哈!如果第時佢畫幅畫、做啲勞作畀我,我一定好開心!其實佢就係我最好嘅母親節禮物,想佢永遠開開心心!」
Leanne憶述當時於產房第一眼見到Abi,就覺得好感動,但自爆好快止淚:「記得生個過程好快,一見到隔籬嗰個(Jason)喊到成個豬頭咁,我反而就會Stop,淨係流咗一、兩滴眼淚,覺得呢個就係我個女喇!原來係咁嘅樣!」感動一刻都不忘搞笑,笑嘲愛女初出世樣似「小異形」:「經過個幾兩個月,佢開始慢慢褪黃、褪紅,同埋開始有番啲肉,就似番一個正常嘅BB!」