原來係大廚！黎耀祥仔仔薄餅牛扒咩都識煮

視帝黎耀祥晚上偕同太太現身九龍灣，出席母親節活動。他受訪時透露完騷要趕返家中，品嘗兒子正橋為太太下廚的美食：「佢啱啱放假返嚟，話今晚整牛扒、意粉畀我哋食過節。佢平時都鍾意整嘢食，薄餅成個焗出嚟都得，有時失準都會任我批評。（師承你？）我煮中餐多啲。（佢試過整畀女友食？）冇啩，大家出街食就試過。」

問到如果兒子畢業後想當廚師會否支持？他說：「冇所謂，行行出狀元嘛，依家啲米芝連總廚不知幾有社會地位，仲搵好多錢添。」他又笑言母親節沒有送禮物慰勞太太：「太太有問我，但佢係我個仔媽媽，又唔係我媽媽。」

至於新工作安排，祥仔表示：「嚟緊《殺手》出街，要幫手宣傳。依家咁嘅年紀想1年拍1部劇，唔似後生咁好多角色都接得，揀吓劇本先啦，依家做騷、登吓台先。」