同大小姐死過！邱芷微演《愛回家》夠入屋

歌手邱芷微（Chelffy）日前出席活動擔任表演嘉賓，同場更有同劇《愛．回家之開心速遞》的演員一同出席。Chelffy指得知劇集收視高企，她亦感到非常開心：「劇集真係好受市民歡迎，出街都有市民認得我，會話我成日同『大小姐』林淑敏針峰相對，仲會叫我角色名，所以好感恩劇集令我入屋唔少。」

談到母親節如何度過，Chelffy表示會拜祭婆婆：「因為母親節係佢死忌，佢都離開咗我十幾年，我仲好記得佢離開前仲係好開心同我哋食母親節飯，依家自己仲好掛住佢。（咁點同媽咪慶祝？）講起約媽咪食飯先好笑，佢完全唔記得呢個日子，都係因為我話去拜婆婆先記得，佢亦都好開心我仲記得婆婆，仲話比起收我禮物更開心。」