網民錯重點　Aka小花抱抱變生果姊妹花

女子組合Super Girls隊長Aka日前到電台宣傳，巧遇好友譚杏藍（小花），兩人難得碰面除開心抱抱合照之餘，仲雞啄唔斷，因為之前小花去咗台灣參加7日斷食營，佢當然有同Aka分享心得，而Aka亦不忙幫小花宣傳新歌，果然係好姊妹，Aka留言：「今天工作碰見她，好多理論，我係咁聽係咁聽，就好似飲水要專注飲，仲有想試下斷食營（唔知會唔會暈）學到嘢呀！我仲要去食佢個自訂早餐，大家聽咗小花首早餐歌未？」不過網民錯重點留意佢哋嘅衣着，話一個橙色加一個青色，個感覺就好似青紅蘿蔔湯，同埋蜜瓜與哈密瓜一樣好搞笑！