鍾君揚30歲後圓夢　與丁子田紅館晒舞功

本身係音樂老師嘅前港男季軍鍾君揚（Freeyon），除咗唱歌叻之外，原來跳舞都有一手，君揚早前踏入30歲，有幸獲邀於紅館舞台上表演拉丁舞，令一直熱愛表演嘅佢直呼係30歲首個大挑戰，更坦言可以一圓紅館夢：「雖然我以前有做過歌舞劇，但跳拉丁舞就未試過，今次仲係我第一次喺紅館演出，而且出騷前我哋只係有四堂時間去學，所以真係非常緊張，我一有時間就不停咁練，絕對不敢怠慢。」

佢又多謝拍檔港姐丁子田（Sara）嘅配合，一齊培養出默契：「中間我哋因為工作關係，所以唔可以一齊上堂，好彩大家都好有默契好快夾到，連埋另外兩pair人都快pick up，最後都順利完成演出。」