林盛斌1星期1個公仔麵：暑假要再通波仔

藝人林盛斌（Bob）、胡定欣及胡蓓蔚（豹嫂）早上到馬鞍山出席強心賽跑活動。去年接受過「通波仔」手術的Bob受訪時坦言自己仍饞咀：「1星期食1個公仔麵，都唔算好多啫，我都有做運動㗎，就係去焗桑拿。嚟緊暑假我都會再入院，通埋另一條血管。」結果被身旁的定欣及豹嫂噓爆，Bob又笑言因貪食影響夫妻感情，定欣即接口：「我諗就嚟友情都受影響！」

訪問時，豹嫂透露父親患有心律不正，故她對心臟病及健康尤其注意，定欣更大爆她與老公邊食飯邊吵架：「因為豹哥出街食飯乜都想叫，佢勸老公多次不果就嘈起上嚟，更加試過喊，但佢都係錫老公啫。」豹嫂則自爆1年前接受身體檢查，自己血管健康優良，令她相當自豪：「我老公就有條血管塞咗，不過嗰條對生命冇構成影響嘅。」