同青雲太空論一樣閃!班尼狄封視帝即冧老婆

20190513
東網電視
更多新聞短片
班尼狄獲獎即多謝老婆!(Getty Images)
《英國影視藝術文化學院電視獎》(BAFTA TV Awards)昨日於倫敦舉行,英國男神班尼狄甘巴貝治(Benedict Cumberbatch)第7度提名終於獲獎封視帝,即場多謝老婆Sophie Hunter,場面勁Sweet!班尼狄早於2004年憑電視電影《Hawking》演霍金(Stephen Hawking)而獲提名,之後多年分別憑《神探福爾摩斯》(Sherlock)及《The Hollow Crown》等屢獲提名爭視帝,但次次都食白果,昨日終於憑有份監製的人氣劇《Patrick Melrose》封視帝,獲獎時大為驚喜!
等足10多年終於獲獎,班尼狄興奮多謝BAFTA大會,同時表揚監製同劇的好友Rachel以及Adam Ackland,之後仲即場放閃:「呢個世界仲有個人我要多謝,我要多謝我太太Sophie,你係我嘅磐石,我為咗(呢個角色)要變得好怪,有啲嘢我要去做,而(你令我)返到屋企重新感覺到好平安平穩,真係好好!」同金像影帝劉青雲當眾多謝老婆帶他太空返地球一樣咁閃!班尼狄於紅地氈上亦有大方咀老婆留影,好不肉緊!
此外,人氣劇集《嗜血嬌娃》(Killing Eve)成為頒獎禮大贏家,獲得最佳劇情組最佳劇集外,Jodie Comer封視后而Fiona Shaw獲最佳女配角獎,仲有兩個技術獎,認真巴閉!