李蕙敏辦收養小朋友手續:年齡性別未知住

20190513
東網電視
更多新聞短片
真係好消息!
藝人李蕙敏及梁佩瑚上午到彩雲邨為兒童算數比賽頒任頒獎嘉賓。李蕙敏受訪時直言自己「數口差」:「見到啲小朋友咁叻,更加要嚟支持,主辦機構一直幫助低收入家庭小朋友,甚至乎屋企經濟有困難嘅大學生都伸出援手。」談到她計劃收養小朋友一事,李蕙敏坦言:「之前係幫朋友湊嘅,依家做好晒心理準備,I am ready喇。手續已經辦緊,不過小朋友年齡同性別都未知住㗎,要等辦好手續先,我又冇乜所謂,但如果小朋友年紀比較細,方便啲培養感情,如果係女仔就可以幫佢扮吓靚,或者到時我唔介意着親子裝咁肉麻添。」
成日follow賈靜雯兩個女
梁佩瑚則與老公拍拖而至。她放閃謂:「佢話係我助理,不過唔會出糧畀佢,我幫佢做煮飯婆打平。」她笑言自己格價叻,平日買餸省回不少,而談到剛過去母親節,她表示:「我媽媽好早就唔喺度,結咗婚開始同奶奶慶祝,有啲唔習慣。(想生小朋友?)我成日follow賈靜雯嗰兩個女,發夢見自己抱走咗細嗰個,我同老公講,佢問我係咪想生,但我諗自己生理同心理都唔得,因我比較缺乏耐性。」