街頭唱到商場!Judas Law正式闖入樂壇

20190513
東網電視
更多新聞短片
Judas正式闖樂壇。
由街頭歌手出身的Judas(羅凱鈴),宣布正式出道做今年新人,並為首隻派台歌《不一樣的我們》舉行首個個人發布會,Judas雙親更驚喜登場!現場吸引逾百名Fans舉牌支持,Fans霸佔商場二樓,陣容強大!席間她與Fans大玩遊戲及唱新歌,全程尖叫聲四起!
受訪時Judas表示好興奮,夢想成真:「見到好多熟悉嘅面孔,好齊人!之前已經好想嚟呢個商場表演,覺得呢個場好大,就一直幻想,點知同公司心有靈犀,佢哋揀咗呢個場舉行活動。(有咩回饋番畀啲Fans?)送派台碟畀佢哋,但數量唔多。」另一半有前來支持?她冧笑話:「佢匿埋咗。(有另一半喺度特別緊張?)冇,我當佢係觀眾,自己係表演者,保持番專業。」
她坦言做了近4年街頭歌手,終完成夢想搖身一變成出道歌手:「都想攞獎,現階段盡力做好自己、作好歌、做好創作。(做咗歌手之後少咗玩Busking?)都會,因為都要忙做宣傳,又要番畀啲時間創作。(今年目標作幾多首?)冇諗,質量勝過數量,都有諗過儲歌出EP。」