最浪漫的事!陳柏宇同老婆一秒變老繼續愛

20190513
東網電視
更多新聞短片
大概~這就是最浪漫的事!
歌手陳柏宇(Jason)孖老婆符曉薇(Leanne)出席活動,與32對情侶齊齊化老妝一秒變老,席間Jason更帶領全場宣讀愛的宣言,又簽下再愛你一萬年的約誓,教身旁的Leanne感動不已,兩公婆情不自禁兩度咀嘴,甜蜜滿瀉!
變老的Jason笑言慶幸30年後都依舊擁有濃密頭髮:「如果80歲係呢個樣我會接受,但如果60歲就咁嘅樣我會唔開心!」Leanne自嘲樣子似返夜更洗碗,而老公就似揸的士,感覺生活好苦,繼而「爆Seed」投訴老公:「佢話唔想落妝,返去畀個女睇!頭先喺台上面話要同最愛嘅另一半頭貼頭,佢問咗句『我個女喺邊』!見佢變老好好笑,聯想到佢老咗會踎喺公園乜都鬧,好似維園阿伯咁。」至於Jason就抵死笑話:「(佢個樣)靚過佢依家!其實變老都係人生嘅自然過程,我哋一齊成長變老。」兩公婆打情罵俏發放笑彈!
講到愛女Abigail於母親節先叫爸爸,Leanne百般滋味在心頭說:「唔開心囉!成日同佢聽啲學動物叫聲嘅歌,我教佢所有動物都係嗌『媽』都搞唔掂!」Jason打趣安慰老婆:「加油啦!其實『Ba』係佢正式學嘅第一個音啫!」