18歲卜卜脆!黃淑蔓新歌為成人禮揭開序幕

20190513
東網電視
更多新聞短片
公司為黃淑蔓度身訂造新歌,為「成人禮」揭開序幕!
歌手黃淑蔓(Feanna)今年6月8日是她的18歲快樂生辰,她獲唱片公司為她度身訂造新歌《Dream My Dreams》,又悉心布置少女心大爆發的MV場景,當作為她提早慶生,為「成人禮」揭開序幕!
人生得一個18歲
當不用埋位拍攝時她非常興奮和期待,拉着身邊的哥哥姐姐們商量18歲生日要怎樣慶祝,因為人生得一次18歲,她期待大家為她慶生,她更希望老闆送她一支酒,她笑說:「雖然我唔識飲酒,但我覺得一支酒能夠象徵迎接18歲!」由14歲出道的她一邊讀書一邊追逐夢想,談到新歌,她說:「我真係好開心,好多謝公司送咗首新歌畀我,歌詞內容就係我嘅信念,要不斷鼓勵自己勇敢追夢,找尋屬於自己嘅嘢,睇完啲歌詞令我更了解自己。」
MV場景最窩心
收到好歌當然開心,而最窩心是公司為她打造一個有型又好襯她的MV場景,她抵達現場時驚喜得睜大眼睛和O晒咀,她說:「最開心係見到我個名『Feanna』嘅燈牌,勁靚呀!仲有桌球枱,我第一次打桌球!今次拍MV比之前開心、enjoy得多,因為我好怕醜,要喺鏡頭前演另一個人,又唔知點樣擺甫士,感覺好尷尬!不過今次首歌係講我:黃淑蔓 Feanna,拍MV只要做返自己就得,尤其是跳舞,做返平時喺屋企發癲亂跳嘅自己就得!」長髮披肩,抱着結他盤膝坐在白色的梳化上,被很多個粉色的咕?和毛公仔包圍住,她的少女心大爆炸,拍通宵仍然笑不攏嘴!