老公無王管!田蕊妮第一次獨遊西藏兩星期

20190514
東網電視
更多新聞短片
田蕊妮第一次自己去旅行就去西藏,犀利!
「視后」田蕊妮(阿田)今日到電台繼續宣傳新碟《Saturnian》,抵死笑話:「隻碟停工一年去造,宣傳都要宣足一年,唔好蝕!」續透露明日將獨自起程到西藏玩兩個星期,興奮不已:「係我第一次自己去旅行,之前好驚食飯、睇戲自己一個,我係群體生活嘅人,但喺唔同嘅階段,依家敢自己一個人食飯,覺得幾爽!所以決定試吓自己一個去旅行。(一嚟就去西藏?)如果又去日本、東京呢啲,覺得多啲人去先好玩,食多啲嘢,但如果去西藏,可以自己慢慢咁影吓啲寺廟、風景,都唔怕人哋等我咁耐,呢個地方都想去好多年。」
問到會否怕屆時會有高山反應?阿田坦言都驚,不過已做好一切準備:「洪永城去過兩次有呢方面經驗,都有Share啲Tips畀我聽,自己又去咗睇醫生,去之前食藥就OK。(帶定氧氣樽?)嗰度好先進咩都有嘅,同埋都有朋友住嗰度,如果時間夾到都會一齊去玩,發覺自己Plan行程已經好爽!呢兩個星期我諗我掛住隻貓多過老公(杜汶澤)!」又指買定拍攝器材到時拍靚片與Fans開心Share,而叉足電後回港就要埋頭準備9月的麥花臣演唱會。