曾樂彤《PTU》演出勁搶　網友爭住Like

由林峯、蔡卓妍、方中信主演嘅網劇《PTU機動部隊》上個禮拜正式首播後，旋即成為各網站的人氣熱播劇。

曾樂彤於劇中飾演護士方心怡，對中學同學林峯十分愛慕，而佢活潑開朗、熱情搞笑嘅性格亦立即吸引到唔少fans，網民紛紛留言話：「原本是為了林峯看的電視劇，沒想到居然見到這麼靚爆鏡的新面孔。」、「只想說一句，小姐姐演技超棒。」除咗網民fans，《PTU機動部隊》嘅導演何澍培亦喺自己微博點名讚曾樂彤做得好：「曾樂彤是很不錯的新演員從未學過表演，演員就是靠天份和悟性。」對於導演大讚佢有天分，曾樂彤話好開心：「套劇有咁多實力咁強嘅演員，能夠得到導演嘅讚賞，真係好開心，亦係一個好大鼓勵。」

另外，曾樂彤有份參與演出嘅電台劇集獲得「美國國際電影及電視節」銀獎，日前舉得祝捷會。劇中她飾演女主角Miss Phoebe，劇集獲得國際性獎項，身為演員一份子嘅曾樂彤當然高興，仲笑說好似自己攞獎咁開心：「其實自己對演戲方面一直都好有興趣，嚟緊會繼續努力，希望有更多好嘅作品同表現畀到大家。」