同心穎冇同場　謝芷倫唔使重拍《法證IV》

藝人謝芷倫撐好友郭千瑜店舖開幕活動，透露忙放拍《大醬園》，之前已拍完《法證先鋒IV》，她說：「我嗰部份唔使再重拍。（同黃心穎冇同場戲？）係啊，但《牛下女高音》就未知要唔要重拍，等公司安排，同佢都有對手戲。最近忙拍綜藝節目，啱啱去完中山拍有關灣大灣區嘅特輯。」

問到有冇想過開店舖做生意，她說：「我學音樂同跳舞，想等自己有高啲知名度，同埋儲多啲錢想開間藝術學校，最少都要儲六位數以上，希望3、4年後開，我有啲搞音樂、跳舞嘅朋友佢哋都開咗舖頭，好羨慕佢哋。」