金牌丫鬟減肥變大家姐　李焯寧有VIP待遇

有「金牌丫鬟」之稱的藝人李焯寧（Karen）最近由丫鬟變身大家姐，近日拍攝內地超級網劇，跟吳卓羲、黃宗澤、關智斌及吳千語合作。在劇中飾演社團大家姐，造型全以露肩裝上陣，霸氣得來不失性感。

Karen透露為以最佳狀態示人，現積極減肥，戒糖及澱粉質，又大讚劇組窩心，為她安排特別餐：「佢哋會喺我個飯盒上面寫明『李焯寧，勿動』真係好感激佢哋咁細心。」Karen表示除了該網劇外，同時接拍了ViuTV的一部時裝劇及內地的古裝劇，將會三劇同時拍攝，笑言演到有點精神分裂：「好在三套劇嘅角色都好唔同，ViuTV係做辦公室嘅上班族，而古裝劇就飾演娘娘。」

拍畢後，她計劃八月去日本旅行兼還神：「我上年去咗東京一個神社去參拜，話當地好多知名藝人都會去，話可以有助演藝運，今年真係劇接劇，所以諗住去還神。」