【人生一大決定】傅嘉莉為愛貓簽字爆喊

20190518
東網電視
更多新聞短片
傅嘉莉日前為愛貓Bebe簽字,安排佢做一個大手術。
藝人傅嘉莉(Kelly) 屋企養咗兩隻貓貓,其中一隻貓仔Bebe早前耳仔受細菌感染折磨 ,令Kelly非常心痛,佢尋日發長文透露為Bebe做咗人生一大決定,安排佢接受一個大手術。 Kelly表示下呢決定之前,猶豫咗一段好長嘅時間,除咗考慮到手術嘅風險、愛貓嘅年紀同身體狀況外,更加要顧及愛貓嘅感受,所以佢搵咗動物傳心師幫手:「傳心師說Kelly,你真的想聽BeBe嘅諗法?你聽到會好心噏。BeBe話佢唔想死,想一直守護你,知道自己年紀大,唔想冒風險,怕自己手術後醒唔番,以後見唔到你,寧願自己忍受病菌折磨。」
順利完成手術
聽到呢度,Kelly 就忍唔住爆喊,到佢簽字決定為Bebe做手術一刻,佢依然不停問自己呢個決定啱唔啱。好彩最後Bebe都順利完成手術,仲好開心一醒就見到Kelly :「初初幾分鐘,佢完全沒氣力躺着,之後突然間用全身嘅力,企起身撲去閘門親近我,用有傷口的頭貼近圍邊嗲我,我感覺到佢好開心見番我,醒番真的見到媽媽,我好感動,BeBe好叻叻!」
點都係咁靚仔瀟灑
Kelly 仲好感性咁話Bebe係上天畀佢嘅禮物,仲話雖然依家Bebe因為做手術而剃咗毛,但喺佢眼中,愛貓咩樣都係咁靚仔瀟灑可愛!網友睇完段長文都畀佢哋深厚嘅感情而感動,仲祝福Bebe早日復原,健健康康咁繼續陪住Kelly!
----------------------------
東網巨星開咗ig喇,大家快啲follow啦!