整傷條腰冇落場！林盛斌：我出就Block臭人

林盛斌(Bob）和范振鋒為《Panasonic學界籃球邀請賽2019》擔任嘉賓主持，全場氣氛高漲。二人今次雖沒有落場，但他們參與這個比賽已經有10年時間，坦言賽事好緊張，去到第四節即尾場時，都不敢再講廢話，全程投入賽事。

Bob解說沒有落場原因：「最近同個囡囡玩水整傷條腰！」不過中場休息時，有份比賽的鄧穎芝亦有撩他出來射球，結果Bob一落場就射入，全場叫好及拍手，對於方泳琳表現很好，Bob不執輸笑說：「因為我冇落場，如果有落場，一定BLOCK臭佢！」拍檔范振鋒取笑：「佢平時都鍾意BLOCK臭人！（唔落場？）之前打過兩年，自己強項係足球，記得自己有一年落場，三分鐘就射入，之後炒晒！結果都係封手，有入過球就算啦！」