變幸運星！籃球白癡林穎彤帶挈球隊贏波

藝人林穎彤（Bella）出席《Panasonic學界籃球邀請賽2019》，不懂打籃球的她勇敢落場，被安排為「籃總名人隊」出賽，最後成為幸運星為球隊勝出，她笑言：「自己唔識打，但都好開心成為一分子！（冇經驗？）中學時期都有打過，但只係為了增高，後來冇效放棄咗！頭先練習時，都好驚畀人撞到，所以自己唔敢落場，當一開始時係落敗，但後期平手時就好緊張，反超前就狂嗌，到頒獎一刻，自己都過意唔去，經過呢個恥辱，會的起心肝學吓打波！（覺得男仔識打籃球好吸引？）係呀，好型！搵男友都要識打籃球！所以我都好欣賞鄧穎芝，女仔都咁勇猛，唔輸畀男仔，佢都有教我打波基本功！」

工作方面，Bella出新歌反應很好，她說：「新歌好多正面留言，同公司嘅師兄、師姐都好勁，所以我都好有大壓力！」