爆美國賭城遇綁架 李晨揸槍闖沙漠救女友

2019年05月18日 20:58
東網電視
更多新聞短片
李晨在美國賭城拍戲時,真正女友范冰冰全程在現場陪伴。

內地男星李晨被公認為好男人,女友范冰冰遇上危難時不離不棄,呢種咁高尚嘅情操風靡了萬千少女!原來佢除咗懂得照顧女友仲會保護同胞,揸支槍去同啲悍匪槍戰!當然呢啲只係電視劇入面嘅劇情,由於女被牽連入逃稅風波,導致孭飛嘅影視作品暫緩上映,好彩李晨冇事,主演嗰部《七日生》電視劇英明神武,除咗勁過占士邦仲係賭神嚟添!

劇情講佢喺拉斯維加斯做兼職荷官,老友遠道歸來後,女友被犯罪團綁架、賭場老闆意外被害,自己被錯當兇手緝捕,為證明清白被逼在警方臥底,由賭場打到去沙漠。

李晨難忘在沙漠惡劣環境拍攝的情景,是人生最熱的一個夏天,每日要忍受在攝氏44-46攝氏度高溫拍攝:「開始我們還奇怪呢,這麼大一個沙漠沒一個洗手間,後來才發現,我們每天在現場喝五、六瓶礦泉水都不用去洗手間。」