【冇違和？】Aka同野佬合體唱Sweet歌

Super Girls隊長Aka（趙慧珊）與樂隊野佬合體舉行音樂會，野佬成員何兆基表示今次合作可以與不同單位擦出火花，又謂邀Aka時對方一口答應，Aka笑言：「好開心佢哋邀請我，覺得佢哋好型，開心可以同佢哋一齊玩。」小胡就打趣表示：「Aka好畀面，我哋呢啲上咗年紀，佢唔係話同我哋合唱粵曲已經好好。」問到為何會邀Aka？何兆基笑言：「我哋想搵Super Girls嘅成員，我哋想搵腳長過我哋幾個嘅。」

Aka表示會與野佬合唱Super Girls講閨蜜的歌《蓓蕾》，笑言野佬會唱得很sweet，小胡即笑言：「所以最近練到我個樣同把聲都好sweet。」問到可會拖Aka？小胡即說：「唔拖，因為老婆嚟咗，攬腰算啦。」何兆基又讚Aka唱他們的歌很好聽，有些甚至好過原唱，又表示開騷很緊張，因為撞了Mr.和Jason Mraz的騷：「佢哋都係我哋嘅勁敵。」問到野佬年尾可是想開騷？他們表示：「構思緊，但場地難搵。」Aka提議去紅館，何兆基即搞gag謂：「去紅茶館ok呀。」