【險】黃婉曼隨時生得 闖毒氣工地嚇窒老公

20190519
東網電視
更多新聞短片
做咩咁危險?!
預產期在本周、隨時生得的前天氣女郎黃婉曼(Icy),臨盤在即仍然日日返工。日前她與老公馮柏基現身位於將軍澳的新Cafe,初時兩人站在門外眼望望,舖內有幾位工人正在忙着趕裝修,舖內空氣渾濁,不時湧出一股濃烈的揮發性有機物氣味,刺鼻難擋。
完全冇戴口罩的Icy,不時用手狂撥走氣味,期間一度想行入舖內,老公即被其舉動嚇一嚇,為免老婆吸到「毒氣」,即出手阻止,並拉她走到另一邊較通風位置休息。之後兩人索性借用舖頭旁的售樓處寫字枱,與公司職員暫作開會用,不過Icy老公亦未放心,全程傍實老婆,以免她再走入舖。
開張搞百日宴
事後,Icy接受東網訪問,她坦言:「原本裝修預四月尾、五月頭搞掂,喺我生之前做埋Opening,我仲諗到好完美可以喺度搞Baby Shower!(之後搞百日宴囉?)係啦!」本身住大埔的她,當初選在將軍澳開舖,是因為第一份工在無綫做,對將軍澳有情意結,現在亦有意搬往將軍澳居住,方便睇舖。
暫擱置再造人
本身育有一女的Icy今胎又佗女,曾經講過想生三個的她,表示計劃要暫停,全力做生意,問是否事業心重?她説:「又唔係,始終小朋友緊要。」不過她生大女時於九時入院分娩,但八時還在公司工作,而今胎卸貨在即,就連走佬袋也未執拾好,可見她事業心重。