遊日返港肥咗變有喜　鄭伊娜澄清冇人信

藝人鄭伊娜（Ena）近日啱啱去完日本旅行返嚟，點知好多朋友都話佢肥咗唔少，更被懷疑係咪有BB，她說：「我自己都磅過，其實真係重咗成4磅，加上聽到啲朋友咁講，睇嚟真係要的起心肝食清淡啲同做運動。」

問到Ena係咪真係有好消息傳出？Ena笑言：「我有同朋友講邊有咁易中，但朋友們就笑笑口話明白，仲話我唔夠三個月小氣唔講得，但真係唔係呀，大家仲心急過我，所以過多幾個月大家咪知囉！」佢話現時積極調理身體造人，希望遲啲真係有好消息公布。