Mr.決絕唔再簽公司：控制權要喺自己手上

樂隊Mr.喺紅館舉行演唱會《Everyone Concert 10演唱會》，騷後慶功宴接受訪問時表示，雖然已經離開公司，不過仍然有好多前輩錫，其中譚詠麟喺騷前專登約佢哋出嚟食飯打氣，而陳奕迅（Eason）就低調入場支持：「Eason睇完之後畀咗好多意見我哋，佢仲話睇到眼濕濕。」至於會否再簽公司？布志綸（Alan）好肯定咁話唔會，認為佢哋會唔會繼續夾Band先至係重點，唔簽約控制權先至會喺佢哋手上。

鼓手杜志烜（Tom）騷前受腰患困擾，一連兩晚演出完全唔覺受影響，他解釋：「喺台上係唔會感覺到痛，不過完騷之後手同埋背脊好痛，今次係入行10年騷，唔想後悔更加唔可以留手。」Dash透露佢哋稍後有機會到內地舉行巡演。