《愛．回家》穿越生日會 李泳豪驚喜到O嘴
20190519
東網電視
更多新聞短片
《愛．回家》真係好有愛呀！
無綫處境劇《愛．回家之開心速遞》長拍長有，一班演員日對日對感情勁好，尋日係「豪仔」李泳豪嘅正日生日，雖然要喺工作中度過，但其他演員又點會唔同壽星仔慶祝呀，仲搞咗個別開生面嘅「穿越生日會」添！
事關尋日佢哋拍攝歐陽震華化身「祝枝山」客串嘅集數，「群姐」許思敏仲會做名伎，成班演員齊齊着古裝拍呢場妓院戲份。經過成晚努力拍攝之後，呂慧儀就再次成為「捧蛋糕專員」，拎個蛋糕出嚟同李泳豪慶生，成班演員仲齊齊唱生日歌，場面好有愛！而李泳豪見到個蛋糕都O晒嘴，都相當驚喜，因為拍到咁夜都冇預大家會搵到個蛋糕同佢慶祝，佢留言：「都説開心速遞是一個有愛的劇組❤️多謝你們給我這個生日驚喜?感動?」網友除咗紛紛祝李泳豪生日快樂，仲話好期待可以快啲睇到呢集古裝版嘅《愛．回家》添！
----------------------------
東網巨星開咗ig喇，大家快啲follow啦！