姚子羚變黃心穎2.0　網友轉目標鬧！

繼黃心穎被爆偷食人夫許志安一事後，相隔一個月，38歲女星姚子羚爆出疑偷食人夫捲入四角戀，更指佢係「三奶」！黃心穎自偷食風波後一直潛水，今日姚子羚新聞一出，大批網民即轉移目標，紛紛湧入姚子羚社交網留言譴責，鬧爆姚子羚係「黃心穎 2.0」、「三奶」等，更叫佢最好立刻停工，唔好繼續拍劇，以免好似黃心穎一樣成「陀衰家」連累其他演員要重拍劇集！