陳瀅第三次接花球　幾時先到你拋呀？

藝人陳瀅（Jeannie）嘅感情生活一直備受關注，早前傳出與陳家樂因拍劇集《廉政行動2019》而撻着，但兩人都否認戀情。近日Jeannie專程飛到夏威夷為好友婚禮擔任姊妹，佢仲同姊妹團狂影相留念，去到夜晚婚宴時，當晚嘅重頭戲當然係拋花球，而Jeannie十分幸運接到花球，佢即刻笑到見牙唔見眼，又上前同新娘送上擁抱祝賀。話說今次已經係Jeannie第三次接到花球，前年佢喺好姊妹陳嘉寶婚禮上同樣接到花球，睇嚟佢桃花運好旺喎！