「搶仔包」！邱芷微《愛回家》介入龔水戀

歌手邱芷微（Chelffy）近年憑無綫處境劇《愛．回家之開心速遞》演「賈名媛」一角成功入屋，日前嘅一集，Chelffy更被冠上「搶仔包」之名介入「龔水戀」中，令觀眾看得肉緊：「感謝觀眾嘅支持，今次嘅角色好有發揮同喜感十足，所以就算個角色本身衰格，大家都睇到好似笑片咁。」又表示全因此劇嘅關係令其社交網的粉絲增加不少。

Chelffy又指其中有網民留言叫她可行性感路線，殺出一條血路：「我認為觀眾覺得女藝人一定要行性感，經常露個胸出嚟就上到位嘅諗法要調整。首先我唔反對行性感呢個行為，因為我都會因應角色及劇情需要而作出性感演出。不過我認為藝人自身嘅實力先係最重要，演藝路先會更長。」