化身網球王子!林凱恩獲網友支持打走池美麗

20190520
東網電視
更多新聞短片
林凱恩打網球,網友都即刻聯想起「池美麗」鍾凱琪(圓圖),證明劇集《愛.回家》真係好入屋!
喺無綫處境劇《愛.回家之開心速遞》飾演「Bonnie」嘅林凱恩(Iris)憑清純外表和甜美笑容俘虜唔少宅男嘅心,呢日佢換上一身「網球Look」拎住塊球拍擺出唔同甫士,又好認真同人對打,相當似模似樣,唔知有姿勢又有冇實際呢?Iris就話:「一直也覺得打網球的女生好帥,我也想帥一下,很有高校女生青春熱血的感覺!新手上路!(還在努力撿波的階段)」佢又話自己好似拍緊台劇一樣,仲封自己為「網球小王子」。而因為早前《愛.回家》講到「Bonnie」男友「金城安」周嘉洛開始被進擊的「池美麗」鍾凱琪打動,令「Bonnie」地位危危乎,所以又有網友搞笑留言「加油打走池美麗!」睇嚟大家對佢同周嘉洛呢對CP好受落喎!