咀嘴高海寧女友難受　楊明：佢又冇同我講

藝員楊明、高海寧（高Ling）、陳曉華、黃祥興等在將軍澳電視城為劇集《網絡騙案》試造型。兩人繼《婚姻合伙人》後再合作，今次飾演「前度」，楊明則口快快「劇透」說：「有啲似《婚姻合伙人》個結局咁。」高Ling則連忙阻止笑說：「唔好爆出嚟呀。」

曾拍劇駕駛電單車受傷的楊明今次要再落場，他說：「炒車後揸電單車都有陰影，今次仲要載住高海寧，所以心理壓力更加大，所以都要求監製拍之前畀時間我練習。」高Ling笑謂加上她的重量會穩陣點。

楊明講到女友莊思明指看見他與高Ling在《婚姻合伙人》咀嘴不開心，他笑說：「其實做呢行見到對方拍錫戲就一定有啲唔舒服，但係佢又冇同我講。」高Ling說：「我同思明好friend，佢好通情達理嘅。」