一嘢撞落池邊!張建聲仆崩牙頂硬上

20190520
東網電視
更多新聞短片
真係崩牙!
由藝人張建聲(Justin)、松岡李那和何珮瑜( Jeana) 主演的「向西」三部曲驚慄最終章《作家的謊言:筆忠誘罪》將於下月上映,拍戲不嬲去到盡的Justin,今次在新片亦曾遇上意外,片中有一幕戲講述他和松岡在泳池相遇,但在試位期間不慎撞埋池邊,當場撞爆半隻牙,Justin忍住痛仲以崩牙上陣拍攝,他說:「當時撞到牙梗係痛,但橫掂都係,我直情將撞崩牙放埋落段戲入面,因為場戲係話我掛住影相唔小心跌落水,所以成場戲係好真實,到嗰日拍完之後咪即刻搵牙醫補番。」
除此之外,基於作家的角色性格,加上之前Justin本已增肥拍《真‧三國無雙》,故他索性保留「張飛」的肥底身形拍《作家》,極具增肥經驗的Justin更肥到186磅,比其正常磅數肥25磅,搞到臉又圓又肚腩凸凸,如今Justin體重已減10磅:「呢排要keep住做gym做運動,想操番大隻啲,體重減番啲,仲未達標呀,因為早排去旅行又肥番,要勤力番啲再操吓。」至於 為電影增肥15磅的Jeana就因為骨架細,加上女仔又貪靚,故電影煞科後兩個禮拜已火速減肥成功,回復昔日纖瘦體形。