《愛.回家》安凌CP 教你擊退「尷尬癌」

20190520
東網電視
更多新聞短片
等安凌CP教你點擊退「尷尬癌」啦!
處境劇《愛.回家之開心速遞》多對CP都大受歡迎,其中「金城安」周嘉洛除咗同「Bonnie」林凱恩及「池美麗」鍾凱琪陷入三角關係外,佢同「朱凌凌」吳偉豪組成嘅另類「HeHe 安凌CP」亦相當令觀眾受落,更紅到出劇外,孖住拍廣告之餘,仲為See See Tvb facebook專頁拍攝惡搞短片,化身「解尷師」,教大家如何擊退「尷尬癌」!
一開始,周嘉洛喺課室唔小心放屁,為咗避免受到同學嘅嘲笑,佢就立即「腦洞大開」諗出各式「解尷法」,先嚟第一招「先發制人」!喺大家未開口前率先指控吳偉豪放屁,搞到吳偉豪勁無辜,最後仲畀人趕出課室添。之後周嘉洛再嚟一招「轉移視線」,放完屁之後立即瞓低扮暈扮病,必要時再嘔埋血,令大家掛住關心佢有冇事,完全唔記得佢放屁,得咗!
不過講到最搞笑嘅,莫過於周嘉洛放屁之後,竟然即席玩起beat box,將屁聲融入音樂,認真估佢唔到!唔少網友對「安凌」合體相當興奮,仲大讚創作團隊好有諗頭!
網民有話兒:
Lxxhxm Lxm:安凌萬歲
曾x銳:太鍾意呢對開心速遞孖寶啦,笑爆嘴!
Exa Nx:搞笑~變咗捽碟
王x兒:受傷的總是朱凌凌...