畀魔術嚇呆！楊柳青自嘲：都係學番打

藝人楊柳青（Wiyona）及魔術師余凱緯（Cyrus）日前出席酒吧開幕活動，Cyrus即場表演啤牌魔術，Wiyona則做嘉賓協助，令現場氣氛更高漲。雖然在30幾度炎熱天氣下做Live Magic，但無損Cyrus表演效果，Wiyona說：「覺得好神奇，點解佢可以將我張卡變咗去佢度，成日想知個秘密，但魔術師係唔可以咁易開估，令我哋更加好奇，我本身好鍾意睇魔術，有學過吓，但都係失敗，都係學番打好啲。」

至於Cyrus說：「Wiyona配合得非常好，有武術底子果然唔同，我感受到現場所有觀眾氣氛非常熱烈，特別係最後一個效果出現時候，現場所有嘉賓一齊倒數3、2、1！魔術效果出現後Wiyona完全嚇呆咗，事後仲繼續追問我究竟個魔術點解會係咁，仲話下次有機會再表演多次畀佢睇！」