封李彩華青春人妻　胡諾言趁做主持聚舊

藝人胡諾言主持的無綫節目《流行經典50年》錄影，對於一眾到來的嘉賓，胡仔笑指與各人都有淵源：「吳國敬係當年我入行做歌手時，佢曾經作過兩首歌畀我㗎！再見番真係好開心，希望有機會再合唱，蔣嘉瑩就好多年前合唱過首《戀愛季節》，大家都好耐冇見，啲粉絲成日問我幾時再同唱番一次，但今次佢就合唱，安排唔到，惟有睇下次有冇機會啦！」至於李彩華，胡仔大讚對方成為人妻後仍舊青春，非常犀利！