負皮女星變租霸！吳恬敏被投訴兔仔屎堆滿屋

《我的超豪男友》（Crazy Rich Asians）美籍華裔女星吳恬敏（Constance Wu）近期成為負皮女王，日前她又被《紐約郵報》（New York Post）踢爆任由自己隻兔仔在紐約租住的屋周圍屙屎唔清理！

據知Constance近期因於紐約Chelsea區拍攝新片《Hustlers》而在當地一住宅大廈租住閣樓一單位。不過為她打掃的工人向屋主「報寸」踢爆成屋布滿兔仔屎，因而被屋主威脅要趕走她。有知情者說：「Constance嘅兔仔完全破壞間屋，周圍都係兔仔屎同尿，而佢完全唔去清理。隻動物睡房、廚房同客廳四圍走。」另有指就連睡床都有兔屎！