29歲生日派福利　陳婉衡曬出天然Bra

無綫咪神陳婉衡（Alycia）今日29歲生日，近日佢就去到泰國旅行慶祝生日，連日嚟佢都上載咗唔少泳衣相大派福利，而呢日佢更獲同行友人安排生日驚喜，唔單止安排樂手用色士風吹生日歌，仲搵埋貓貓做特別嘉賓向Alycia送上祝福，相當有心。Alycia都有大晒手捧生日蛋糕嘅靚相，不過個蛋糕再靚都唔及Alycia搶鏡，事關佢以露膊裝低胸上陣，勁騷36E勁爆上圍，加上佢連日嚟玩水曬太陽，曬到「咪咪」有明顯泳衣印，更加養眼。

另一邊廂，金剛女友梁云菲亦有喺社交網甫出唔少性感泳衣相，但係其中一張相見佢眼角滲血，原來係玩衝浪時唔小心受傷，不過佢就話唔會放棄對衝浪嘅熱愛，會繼續努力學習。