唔驚李晨呷醋？范冰冰幫三男「啪啪啪」

大陸女星范冰冰走出逃稅風波，唔只準備復出拍戲，又推出自家面膜，橫掃影壇及商界！而最近去咗西藏禮佛嘅佢，就喺網上上載一段護膚片段！

片中嘅佢敷上面膜，畀三位男士圍住，唔只傳授護膚秘笈，叫對方要「啪啪啪」塊面：「使勁兒！使勁兒！」非常肉緊，仲親手幫佢哋搽護膚品，非常親民，一啲架子都冇！唔少網民都好羨慕，又笑問冰冰，唔怕李晨呷醋？