結婚周年日本造人？蕭正楠爆閨房樂

藝人蕭正楠到尖沙咀出席講座，分享演藝工作及做生意的經歷，他透露已開了漢堡店兩、三年，現在有兩間店，並開心地宣布喜訊，就是將在元朗開新店，講到太太黃翠如近日甫相望住自己腹部，引來懷孕傳聞，阿蕭否認對方有喜：「可能食多咗嘢，我哋去咗日本五日，當係結婚一周年短短哋去慶祝。（咁有冇造人？）呢啲閨房嘢，問番佢啦！黑麻麻我乜都睇唔到。」

他表示此行有不少新體驗，例如第一次自駕遊揸車去富士山，兼且第一次全裸浸溫泉：「係男女分開嘅，第一次全裸。（有冇香港人認得你？）認得上身，唔認得下身，嗰塊布仔我用嚟遮住塊面！咁嗰日得兩個日本人一齊浸，望住個富士山風景好靚！」不過最終也有一位香港人偷拍了他和翠如穿和服的照片，阿蕭笑言因此穿了煲，要買更多手信給朋友。