老公一手包辦!蔣祖曼囡囡生日做凸肚美人魚

20190523
東網電視
更多新聞短片
呢條美人魚好獨特噃~
藝人蔣祖曼(Joman)婚後為老公陳卓麒誕下囡囡「可可」,更對繼子Day視如己出,一家四口幸福滿瀉。前日(21號)係細女可可4歲生日,Joman為阿女舉行生日派對,壽星女配合蛋糕打扮成美人魚,仲突出個小肚臍,真係萌到爆呀!
Joman表示自己負責召集同陪玩,老公先至係最辛苦:「我本來打算叫四、五個小朋友,點知愈叫愈多變咗半班,開頭仲驚會好難搞,點知成班女仔又乖又守規矩,完全無(冇)問題。個生日會主要係我老公包辦,佢煮嘢食好叻,佢大部分時間都喺廚房,我就主要陪玩同睇住個女。」
佢直言雖然感慨囡囡長大得太快,但佢已經「未雨綢繆」:「一早就有心理準備,由佢出世個(嗰)日已經準備好佢升中!始終阿仔有板(辨)我睇,佢哋真係大得好快好快好快呀!」