李美琪自爆細個係男人婆：男仔都唔吼我

藝人李美琪（Monnie）出席手袋活動，透露正在拍攝Viu TV新劇《Me Too》和準備7月的舞台劇。開心新劇能與歌手梁漢文和藝人張慧儀合作，就劇集性侵的敏感話題，她稱角色也會經歴其中，但慶幸現實無遇上過，她說：「好彩冇，我細個名叫『鐵沙掌』、『男人婆』，男仔唔吼我，長輩又好鍚我，但身邊有朋友有遇過已婚上司嘅不倫戀，非禮下屬呢啲，依家好似好普遍。」

Monnie又自爆曾考慮過改名，找相士提供幾個名，不過唔滿意，可能最終都是繼續用美琪這個名，她說：「其實美琪個名好易記，每隔幾年就有個美琪出現，美琪係永恒不死嘅，呢個名當年爹吔改時，係行街見到鞋店叫『美琪』，就用咗呢個名，好求其，但有意義。」她說想改名是希望事業更好，直言屬金，想再多些金，想賺多些錢。