偷戀黎紀君!肥腸淆底唔敢溝女

20190523
東網電視
更多新聞短片
肥腸對住黎紀君個心卜卜跳。
藝人黎紀君(Christy)與徐浩昌(肥腸)演出的網劇《因為寂寞所以健身》,將於明日在hmvod上架,該劇反映時下貼地又荒誕的社會問題而成為網民熱話,劇中肥腸更因偷戀Christy而玩健身操弗,望變大隻佬贏得青睞,沒料事與願違。對於這對組合反差大,肥腸直認對住甜美可人的Christy拍戲,完全內心卜卜跳,不過因細膽唔敢主動搭訕:「由拍完套戲,到煞科飯、慶功宴、首播禮所有活動,加埋同佢講唔夠十句嘢,我對住女仔就係嗰啲細膽勁淆底嘅垃圾,所以現實中對住靚女都只係限諗,唔敢追。」
劇有提名現今社會騙案,Christy透露曾收過自稱入境處人員來電,幸獲醒目媽咪提醒未有中招,她說:「嗰個人話係入境處,話我嘅身份證明文件被人盜用,要我畀錢去辦領,當時我半信半疑,好彩媽咪喺隔籬聽到就叫我收線,話好明顯係呃人電話,自此之後我都小心。」