唔夠奶水餵孖B　蒼井空呻：有巨胸都冇用

35歲日本前AV女星蒼井空，於5月1日「令和」首天為丈夫DJ NON剖腹誕下一對孖仔。蒼井空出院後專心湊B，其母及妹妹亦不時幫手。但她今日在網誌透露，原來誕孖B出世以來餵哺母乳有困難，笑言有巨胸都冇用！

蒼井空表示孖B出世首日未能餵哺母乳，她最初以為只是因自己開刀生仔，才令母水不足，直至第5日才有少量奶水流出，但依然不足夠餵飽一對孖B。誕B近三星期，她原來打算以全母乳或母乳加奶粉餵B，但無論按摩或讓BB吸啜都沒有足夠奶水，最終只能以全奶粉餵哺，擁有G奶的她，笑言有巨胸都冇用！