翻撻前度斷正點氹女友？王敏奕教你心軟定律

翻撻前度真係感情大危機，網友小傑仲要畀女友斷到正，呢鋪真係麻煩喇！今次《拆彈》即管搵靚女王敏奕幫幫佢，睇吓可唔可以幫佢箍到煲！

網文小傑：「我瞞住女朋友同前度出軌，點知畀女朋友發現咗，女朋友嬲到爆，有咩方法可以氹番佢？」

真係頭都痕埋，不過王敏奕原來有一個心軟定律，聽落又真係幾有Point！

王敏奕：「兩個人感情最緊要係溝通同信任，有啲嘢兩個人要有共識先知道可唔可以行落去，一係就到此為止，箍煲方法要有誠意，大家一齊要互相有一種心靈上交流，發生咗都唔係死梗嘅。女仔係好心軟，由細到大身邊啲女仔朋友受傷害，都叫佢唔好再一齊，但最後佢都選擇原諒，當男仔係有誠意，女仔係偏心軟嘅。」