遇情敵有咩反應？廖碧兒爆陳錦鴻係救命恩人

藝人陳錦鴻、鄧萃雯和廖碧兒演出的ViuTV劇集《婚內情》，劇中講述多角感情關係，碧兒談到早前拍攝識破情敵戲份，笑言現實中有類似經驗，更指方便自己入戲：「未去到捉姦在床，有試過見到唔想見嘅嘢，現實中我唔會發脾氣，會傳張相畀佢睇咩反應，何況好多時都係記者揭穿話番畀我知！（怕唔怕人哋報料話你知會尷尬？）可能人哋誤會呢，所以畀張相我睇先講，得我先知係朋友定係另一回事。」

喊到哮喘勁辛苦

劇中碧兒與錦鴻不乏對手戲，她直言一直視對方為救命恩人：「當年我哋拍唔同劇，我有次因為角色太陰沉喊到收唔到聲，哮喘得好辛苦，冇人勸到我，都唔知自己發生咩事，錦鴻知道之後就過廠，勸掂我收聲！」