李思欣馴服范振鋒！成為御用貼身攝影師

藝人范振鋒婚前不愛旅行亦不愛拍照，幸而被太太李思欣徹底改變，如今人生充滿樂趣！談到老公以往是悶蛋一名，思欣笑說：「佢覺得搭飛機辛苦，去旅行冇得做嘢搵唔到錢嘛，依家佢肯同我飛，揸機影相靚到連我啲朋友都話好得，呢方面我好成功。」約六月，二人又會相約好友飛往泰國吃喝玩樂，范振鋒說：「一pair pair去嘅，還神之餘我會順便掃貨，唔講大家都唔知，依家嘅泰國公主好支持時裝業發展，泰國出產嘅服飾好潮，每次去我都爆篋返，喺日本反而買唔到嘢。（去泰國做生意？）真係有朋友撩我，話夾份開茶餐廳，又有人叫我帶團睇樓。」