鄭少秋搭實汪明荃　羅家英：好合襯啊！

藝人羅家英同汪明荃早前踏入結婚十周年，羅家英就拍片同太太示愛，認真冧爆！最近汪明荃孖鄭少秋去新加坡開演唱會，雖然「愛妻號」羅家英未有化身「跟得老公」，不過佢亦好識做咁喺社交網發功，當汪明荃晒出同鄭少秋出發前嘅合照後，羅家英都有留言大讚佢哋合襯：「好合襯啊！祝演出成功，多合作，來個全球演唱。」至於羅家英依家就去咗台灣阿里山開工，佢亦有上載近照同大家分享。