無悔爆粗與網友對罵！曾樂彤月底出歌試水溫

藝人曾樂彤、劉溫馨、何泳芍和組合天堂鳥（BOP）等，下午到電視城出席綵排。早前被質疑臨場演出表現、與網民爆粗對罵，繼而被抽起新歌《太陽蛋》派台的曾樂彤透露，將於月底改派另一新歌《存在》「試水溫」。

冇畀公司照肺

談到「出事」的《太陽蛋》，她說：「改咗可能遲啲先出，我唔會後悔（爆粗），但會視為一次學習，我係衝動咗嘅。」她否認曾遭經理人公司照肺：「公司好錫每位藝人，都只係傾吓偈啫，自己做嘅嘢要承擔責任就得。（唔敢再同網民鬧交？）我依家成仙、成佛喇，盡情愚弄我吧！」

天堂鳥再扮草蜢

至於BOP笑言今次演出會繼續扮前輩組合草蜢：「其實5年前都喺電視節目內扮過嘅，依家我哋去商演，啲主辦機構都想我哋扮草蜢嘅，如果以後能夠同台演出，就更加好喇。」問到感情方面，三子同時表示單身：「因為之前錯過咗時間（因合約問題被雪藏），所以依家要努力事業。」