基因強大！陳茵媺囡囡扮model交足戲

藝人陳茵媺（Aimee）同三個仔女嘅感情向來好好，呢日Aimee同老公陳豪一齊孖住囡囡Camilla行街，Aimee仲帶囡囡走進名店扮靚靚，不過活潑可愛嘅Camilla似乎對店內嘅模特兒人形公仔更有興趣，佢竟然趴喺座位上擺出同公仔一模一樣嘅姿勢，就連表情都交足戲，搞到連Aimee都忍唔住澄清冇教過囡囡扮model，笑指佢可能遺傳咗爸爸媽媽嘅基因咁話。

之後佢哋就繼續shopping，Aimee仲特登揀咗兩頂同款嘅帽，實行嚟個母女裝，非常溫馨。但見全程陳豪都未有入鏡，原來因為佢好有耐性咁喺店外等待兩位女士盡情購物，真係夠晒紳士風度！